Kantjendjunga

Frå Wikipedia – det frie oppslagsverket

Kantjendjunga
Kanchenjunga sett frå Chouda Pheri
Høgd over havet	8 586 m.
Ligg i/på	India og Nepal
Fjellkjede	Himalaya
Koordinatar	27°42′09″N 88°08′49″EKoordinatar: 27°42′09″N 88°08′49″E
Førsteklatring	25. mai 1955, George Band og Joe Brown

Kanchenjunga (óg kalla Kangchenjunga, Kangchen Dzö-nga, Khangchendzonga, Kanchenjanga, Kachendzonga og Kangchanfanga) er det tredje høgaste fjellet i verda, det høgaste fjellet i India og det nest høgaste i Nepal med ei høgd på 8 586 moh.

Fjellet ligg på grensa mellom den tidlegare sjølvstendige staten Sikkim (no delstat i India) og det austlege Nepal.

I Nepal høyrer fjellet til Taplejung distrikt i Mechi sone, auststregionen, i Kanchenjunga naturvernområde.

Kanchenjunga tyder noko slikt som «fem skattar av snø», truleg fordi det eigentleg er snakk om fem fjelltoppar som alle er meir enn 8 000 moh. Fram til 1852 trudde ein faktisk at Kanchenjunga var det høgaste fjellet i verda, men utrekningar føretatt av britiske forskarar i 1849 viste at det ikkje var tilfellet. George Band og Joe Brown, som var med i ein britisk ekspedisjon, var dei første som klatra til toppen, den 25. mai 1955.

Fjell med ei høgd på over 8000 meter
Everest | K2 | Kangchenjunga | Lhotse | Makalu | Cho Oyu | Dhaulagiri | Manaslu | Nanga Parbat | Annapurna | Gasherbrum I | Broad Peak | Gasherbrum II | Shisha Pangma